Carta de servizos
MUFACE dispón dunha Carta de servizos que constitúe a expresión dos compromisos de calidade que asume a Mutualidade cos seus mutualistas.
Nese documento preséntase o que, coa colaboración de todos, é hoxe a MUFACE, expresión abreviada coa que se coñece á Mutualidade Xeral de Funcionarios Civís do Estado.
A través de máis de trinta anos de existencia a MUFACE consolidou e perfeccionou as súas formas de actuación, ampliando o número de prestacións co obxectivo permanente de mellorar a atención ao mutualista.
O soporte xurídico sobre o que se apoia a Mutualidade constitúeno:
- O texto refundido da Lei sobre seguridade social dos funcionarios civís do Estado, aprobado polo Real decreto lexislativo 4/2000, do 23 de xuño.
- O Regulamento xeral do mutualismo administrativo, aprobado polo Real decreto 375/2003, do 28 de marzo.
